ఎన్నికలు ఎప్పుడో తేల్చేసిన జగన్

ఏపీ సీఎం వైయస్ జగన్మోహన్ రెడ్డి తాజాగా వైఎస్ఆర్సిపి ఎమ్మెల్యేలు, పార్టీ ముఖ్య నేతలతో నిర్వహించిన విస్తృత స్థాయి సమావేశంలో వచ్చే ఎన్నికలను ఉద్దేశించి కీలక వ్యాఖ్యలు చేశారు. ఏపీలో జగన్ ముందస్తు ఎన్నికలకు వెళతారని ప్రచారం జరుగుతున్న వేళ, ముఖ్యంగా టీడీపీ ముందస్తు ఎన్నికలపై మాట్లాడుతున్న సమయంలో ముందస్తు ఎన్నికలకు వెళ్లే ప్రసక్తే లేదని వైయస్ జగన్మోహన్ రెడ్డి తేల్చి చెప్పారు. ఎన్నికలకు ఇంకా 14 నెలలే ఉందని, గడపగడపకు మన ప్రభుత్వం కార్యక్రమాన్ని సక్రమంగా నిర్వహించాలని ఆయన పార్టీ ఎమ్మెల్యేలకు, ముఖ్య నాయకులకు హితబోధ చేశారు.